სუამ-ის ერთობლივი განცხადება

დემოკრატიისა და ეკონომიკური განვითარების ორგანიზაცია სუამ-ი და მისი წევრი სახელმწიფოები - აზერბაიჯანი, საქართველო, მოლდოვა და უკრაინა - გამოხატავენ თავიანთ ღრმა მწუხარებას იაპონელი ხალხისა და მთავრობის მიმართ, 2011 წლის 11 მარტს მომხდარ ბუნებრივ კატასტროფებთან, მიწისძვრასა და ცუნამთან დაკავშირებით, რამაც უამრავი ადამიანის სიცოცხლე იმსხვერპლა, გამოიწვია მასიური ნგრევა და უდიდესი ზიანი მიაყენა იაპონიის ეროვნულ ეკონომიკას.

სუამ-ის წევრი-ქვეყნები იზიარებენ იაპონელი ხალხის ამ ტკივილს და ქედს იხრიან იაპონელი კაცებისა და ქალების სიმამაცისა და სიმტკიცის წინაშე, რომლებიც ერთად დგომით შეხვდნენ ამ საშინელ ტრაგედიას.

იაპონიისთვის ამ მძიმე დროს სუამ-ის წევრი ქვეყნები გამოხატავენ მზადყოფნას, დაეხმარონ იაპონიას ამ ტრაგიკული მოვლენების შედეგების დაძლევაში.